അന്ന് എന്താണ് ശരിക്കും സംഭവിച്ചത്, ആത്മഹത്യയ്ക്ക് ശ്രമിച്ച ആ ദിവസത്തെ കുറിച്ച് ശോഭ വിശ്വനാഥ്; ഇനിയൊരു വിവാഹം കഴിക്കുമോ എന്ന ചോദ്യത്തിന് ബിഗ്ബോസ്സ് താരം ശോഭയുടെ മറുപടി

in Special Report

ബിഗ്ഗ് ബോസ് ഷോയില്‍ വന്നപ്പോള്‍ തന്റെ ജീവിതത്തില്‍ സംഭവിച്ച കാര്യങ്ങളെ കുറിച്ചെല്ലാം വളരെ വ്യക്തമായി സംസാരിച്ച ആളാണ് ശോഭ വിശ്വനാഥ്. ആത്മഹത്യയ്ക്ക് ശ്രമിച്ചതിനെ കുറിച്ചും അന്ന് താരം പറഞ്ഞിരുന്നു. അതിലേക്ക് നയിച്ച സംഭവത്തെ കുറിച്ചും, അതില്‍ നിന്നെല്ലാം അതിജീവിച്ച് വന്നതിനെ കുറിച്ചുമാണ് ഇപ്പോള്‍ ശോഭ സംസാരിക്കുന്നത്.


ഒരു മയക്കു മരന്ന് കേസില്‍ അറസ്റ്റ് ചെയ്യപ്പെട്ട സ്ത്രീ എന്ന നിലയിലാണ് ശോഭ വിശ്വനാഥിന്റെ വാര്‍ത്തകള്‍ ആദ്യം പുറത്ത് വന്നത്. എന്നാല്‍ ആ കേസില്‍ താന്‍ നിരപരാധിയാണ് എന്ന്, കേസില്‍ കരുക്കിയതാണ് എന്ന് ശോഭ തെളിയിച്ചതോടെ പല സ്ത്രീകള്‍ക്കും കരുത്തായി അവൾ അറിയപ്പെട്ടു. വീവേഴ്‌സ് വില്ലേജ് എന്ന പേരില്‍ കയിത്തറി നെയിത്തുകാര്‍ക്ക് വേണ്ടി സംരംഭം ആരംഭിച്ച ശോഭ വീണ്ടും കരുത്താര്‍ജ്ജിക്കുകയായിരുന്നു. കൂടുതല്‍ ആളുകള്‍ ശോഭയെ അടുത്തറിഞ്ഞത് പിന്നീട് ബിഗ്ഗ് ബോസ് ഷോയ്ക്ക് ശേഷമാണ്.


എല്ലാ സൗകര്യങ്ങളോടും കൂടെ ജനിച്ചു ജീവിച്ചു വളര്‍ന്ന ആളാണ് ഞാന്‍. എംബിഎ പാസായി നല്ല ഒരു ജോലിയില്‍ ഇരിക്കുമ്പോഴാണ് വിവാഹം കഴിഞ്ഞത്. വീട്ടുകാര്‍ ആലോചിച്ച് ഉറപ്പിച്ച് നടത്തിയ വിവാഹം. അതും ഒരു അറിയപ്പെടുന്ന, സമ്പന്ന കുടുംബം. ആദ്യ രാത്രിയില്‍ തന്നെ ഞാന്‍ അറിഞ്ഞു അദ്ദേഹം ആല്‍ക്കഹോളിക് ആണ് എന്ന്. പിന്നീട് പല തരത്തിലുള്ള ശരീരിക മാനസിക പീഡനങ്ങളും നേരിടേണ്ടി വന്നു. മൂന്ന് വര്‍ഷം ആ ജീവിതം ഞാന്‍ എങ്ങനെ ജീവിച്ചു എന്നിപ്പോഴും അറിയില്ല.

പക്ഷെ ആ ജീവിതമാണ് എന്നെ ഇന്ന് കൂടുതല്‍ കരുത്തുള്ളവളാക്കിയത്. പിന്നീട് കള്ളക്കേസില്‍ കുരുങ്ങിയപ്പോഴും അതിനെ അതിജീവിക്കാനുള്ള ധൈര്യവും, ഞാന്‍ ആത്മഹത്യ ചെയ്യാതെ പിടിച്ചു നിന്നതിന് കാരണവും ആ ജീവിതമാണ്. ഒരു തവണ ആത്മഹത്യയ്ക്ക് ശ്രമിച്ചിരുന്നു. ഞാന്‍ മരിച്ചു എന്നാണ് അന്ന് കരുതിയത്. ഇതുപോലെ എന്തോ പ്രശ്‌നം നടന്ന് വീട്ടുകാരെല്ലാം ഞങ്ങളഉടെ ഫ്‌ളാറ്റിലേക്ക് വന്ന ദിവസം ആയിരുന്നു. പ്രശ്‌നങ്ങളെ കുറിച്ച് എല്ലാം എല്ലാവരും സംസാരിച്ചുകൊണ്ടിരിക്കുന്നു. ആ സമയം ഞാന്‍ ഡൈനിങ് ടേബിളില്‍ ഇരിക്കുകയായിരുന്നു.

ഏത് സെക്കന്റിലാണ് ഇനി ഞാന്‍ ജീവിച്ചിരുന്നിട്ട് കാര്യമില്ല, എനിക്ക് മടുത്തു എന്ന് തോന്നിയത് എന്നറിയില്ല. ഞാന്‍ പതിയെ എഴുന്നേറ്റ് ബെഡ് റൂമിലേക്ക് പോയി. ഷാളോ, സാരിയോ എന്താണ് കൈയ്യില്‍ കിട്ടിയത് എന്നറിയില്ല. അതുകൊണ്ട് ഞാന്‍ കഴുത്തില്‍ കുരുക്കിട്ട് തൂങ്ങി. സ്റ്റൂള്‍ താഴെ വീണതിന്റെ ശബ്ദം കേട്ടാണ് എല്ലാവരും വന്നത്. ഒരു ചെറിയ ജാലകത്തിലൂടെ അവരെന്നെ കാണുകയും വാതില്‍ തള്ളിത്തുറന്ന് അകത്ത് കടക്കുകയും ചെയ്തു. മരണത്തെ ഞാന്‍ അന്ന് കണ്ടിരുന്നു.


കുറച്ച് കാലം അതിന്റെ പ്രശ്‌നങ്ങള്‍ അനുഭവിച്ചു. വെള്ളം കുടിക്കാനൊന്നും പറ്റുമായിരുന്നില്ല. പക്ഷെ അതോടെ ഞാന്‍ വിശ്വസിക്കുന്ന ദൈവത്തിന് ഒരുറപ്പ് കൊടുത്തു, ഇനി ആര്‍ക്ക് വേണ്ടിയും എന്തിന് വേണ്ടി ഞാന്‍ ആത്മഹത്യ ചെയ്യില്ല എന്ന്. ഇന്ന് ഞാന്‍ സംസാരിക്കാന്‍ പോകുന്ന വേദികളിലെല്ലാം ഇക്കാര്യം സംസാരിക്കാറുണ്ട്. ആ ബന്ധത്തില്‍ നിന്ന് പുറത്ത് വന്നതിന് ശേഷമാണ് ബിസിനസ് രംഗത്തേക്ക് ഇറങ്ങിയത്. അതിനിടയില്‍ പരിചയപ്പെട്ട ആള്‍ വിവാഹാഭ്യര്‍ത്ഥന നടത്തിയത് നിരസ്സിച്ചതിന്റെ പേരില്‍ എന്റെ സ്ഥാപനത്തില്‍ മയക്ക് മരുന്ന് കൊണ്ടു വച്ച് എനിക്കെതിരെ കേസാക്കുകയായിരുന്നു.

നാനൂറ് ഗ്രാം മയക്ക് മരുന്നായത് കൊണ്ട് സ്റ്റേഷന്‍ ജാമ്യം കിട്ടി. അകത്ത് കിടക്കേണ്ടി വന്നില്ല. ഞാനല്ല ചെയ്തത് എന്ന് പറഞ്ഞിട്ടും, സിസിടിവി പരിശോധിക്കാന്‍ പറഞ്ഞിട്ടും നര്‍ക്കോട്ടിക്‌സ് വിഭാഗമോ പൊലീസുകാരോ അത് ചെയ്തില്ല. അവസാനം മുഖ്യമന്ത്രിയ്ക്ക് പരാതി നല്‍കി കേസ് തെളിയിക്കുകയായിരുന്നു. ആ കേസില്‍ എനിക്ക് പൂര്‍ണമായി നീതി കിട്ടി എന്ന് വിശ്വസിക്കുന്നില്ല. കാരണം പ്രതികളെ അറസ്റ്റ് ചെയ്തിട്ടില്ല. പക്ഷെ എനിക്കെന്റെ നിരപരാധിത്വം തെളിയിക്കാന്‍ കഴിഞ്ഞു. ഇവിടെയുള്ള നിയമങ്ങളുടെ പോരായ്മയും,

അന്വേഷണത്തില്‍ വരുത്തുന്ന വീഴ്ചകളുമാണ് എന്നെ പോലുള്ള പല നിരപരാധികളും ശിക്ഷിക്കപ്പെടാന്‍ കാരണം. ആ സംഭവത്തിന് ശേഷം പലരുടെ കുടുംബവും എന്നെ വിളിച്ചിട്ടുണ്ട്. നിരന്തരമായ പരിശ്രമത്തിലൂടെ മാത്രമേ നമുക്ക് രക്ഷപ്പെടാന്‍ കഴിയൂ എന്നാണ് അവരോടൊക്കെ പറഞ്ഞിട്ടുള്ളത്. വീവേഴ്‌സ് വില്ലേജിന്റെ പേരിലുള്ള തന്റെ കൈത്തറി സംരംഭം വളര്‍ത്തുന്ന തിരക്കിലാണ് ശോഭ ഇപ്പോള്‍. ഇപ്പോള്‍ ഇന്ത്യയില്‍ ഒട്ടുമിക്ക സെലിബ്രിറ്റികളും ശോഭയുടെ കൈത്തറി വസ്ത്രങ്ങള്‍ ധരിച്ചിട്ടുണ്ട്.


ഇന്റര്‍നാഷണല്‍ ലെവലില്‍ കൈത്തറി വസ്ത്രം റെഡ് കാര്‍പെറ്റില്‍ എത്തണം എന്നാണ് ആഗ്രഹം. അതിനിടയില്‍ വീണ്ടുമൊരു വിവാഹം ഉണ്ടാവുമോ എന്ന് ചോദിച്ചപ്പോള്‍ അതിനുള്ള സാധ്യതയില്ല എന്നാണ് ശോഭ പറഞ്ഞത്. ആദ്യത്തെ ബന്ധം ഇനിയും ഡൈവോഴ്‌സ് ആയിട്ടില്ല. കേസ് നടന്നുകൊണ്ടിരിക്കുകയാണ്. അങ്ങനെയാണെങ്കിലും വിവാഹത്തിലേക്ക് പോകുമോ എന്നറിയില്ല. പക്ഷേ പറയാന്‍ പറ്റില്ല. ജീവിതത്തില്‍ ഒരു കൂട്ട് വേണം എന്ന് എപ്പോഴെങ്കിലും തോന്നിക്കൂടായ്ക ഇല്ലല്ലോ എന്നാണ് ശോഭ പറയുന്നത്. എന്ത് തന്നെയായാലും വിവാഹം മുതല്‍ ഇതുവരെയുള്ള പതിമൂന്ന് വര്‍ഷത്തെ ജീവിതമാണ് എന്നെ ഞാനാക്കിയത് എന്ന ശോഭ ഉറച്ച് വിശ്വസിക്കുന്നു.